В рамках месячника по благоустройству жители Грозовского сельсовета приняли активное участие в уборке парка в агрогородке Камень

Актуально

Кожны з нас дбае пра парадак на роднай зямлі, прыкладае шмат намаганняў, каб горад, вёска ці асабісты куточак былі прыгожымі і чыстымі. Вось і жыхары Грозаўскага сельсавета не засталіся ў баку і дружна ўзяліся за працу, тым больш, што нагодай стаў месячнік па добраўпарадкаванні.

IMG_5931

Парк у аграгарадку Камень. Сонечным сакавіцкім днём супрацоўнікі сельвыканкама і Каменскага ВПК д/с-СШ старанна прыбіраюць тэрыторыю сквера, зграбаюць леташняе лісце, выкідваюць смецце.

— Работы па добраўпарадкаванні парка мы пачалі летась, — расказвае старшыня Грозаўскага сельвыканкама Жанна Скрыган. — Тады паспілоўвалі дрэвы і галіны, паставілі лаўкі, а 1 верасня 2018 года тут адзначылі свята вёскі. Сёлета мы плануем зрабіць сцяжынкі і высадзіць вакол парка новыя дрэўцы. Тым самым мы абазначым яго тэрыторыю. Упэўнена, што хутка парк стане добрым месцам для адпачынку вяскоўцаў.

Дзіяна ТКАЧЭНКА



Добавить комментарий

Ваш адрес email не будет опубликован. Обязательные поля помечены *