Сохранять память предков

Память

Догляд за воінскімі пахаваннямі і месцамі баявой славы з’яўляецца адной з асноўных частак патрыятычнага выхавання падрастаючага пакалення ў Песачанскай СШ.

IMG_1739

Педагогі і навучэнцы ўстановы адукацыі працуюць пад дэвізам: «Захоўваючы гісторыю, мы ствараем будучыню». Напрыклад, падчас рэалізацыі праекта «Ландшафтнае добраўпарадкаванне тэрыторый у рамках аграгарадка» пастаянна падтрымліваецца парадак каля помніка «Смуткуючая маці», што знаходзіцца насупраць школы. Там былі разбіты клумбы, зроблены альпійскія горкі, высаджаны кветкі. З надыходам цёплага надвор’я адразу пачынаецца добраўпарадкаванне навакольнай тэрыторыі. Звычайна ў Дзень Перамогі на памятным месцы праходзіць прыём у піянеры, падчас урачыстага мітынгу 9 Мая і ў Дзень Незалежнасці члены гэтага грамадскага аб’яднання нясуць ганаровую варту, ускладаюць вянкі, гірлянды і кветкі.

Памятаюць у навучальнай установе і пра герояў Лаўскага бою. Валанцёры з атрада «Юнацтва» падтрымліваюць парадак на могілках у в. Клецішча.

— Гэта толькі частка патрыятычнага выхавання, якое праводзіцца ў нашай школе, — адзначае намеснік дырэктара па вучэбна-выхаваўчай рабоце Святлана Астрэйка. — Мы займаемся вялікай доследнай работай і прымаем актыўны ўдзел у навукова-практычных канферэнцыях па гэтай тэме. Навучэнцы збіраюць матэрыялы для экспазіцыі школьнага музея пра герояў Вялікай Айчыннай вайны. А яшчэ падкрэслю, што дзеці заўсёды самі праяўляюць ініцыятыву, каб навесці парадак на памятных месцах. Яны ведаюць, што памяць сваіх продкаў трэба захоўваць.

Сяргей КОЗЕЛ

Фота Паўла ШЭІНА

 



Добавить комментарий

Ваш адрес email не будет опубликован. Обязательные поля помечены *