Навіны раёна адным абзацам

Новости

ЛІДАРЫ. Па выніках работы за дзевяць месяцаў гэтага года ў рэспубліцы сярод 90 комплексаў па вырошчванні і адкорме БРЖ жывёлагадоўчы аб’ект з ААТ “Старыца-Агра” заняў пачэснае 4 месца (прырост жывой масы на 1 сярэднюю галаву з пачатку года склаў 275,84 кг).

 

ЗІМОЎКА. Дні жывёлавода з удзелам адказных работнікаў ад райвыканкама прайшлі практычна на ўсіх фермах раёна, дзе разглядваліся пытанні выканання праграмы “Малако”, ход зімова-стойлавага ўтрымання грамадскага статка.

 

ТЭХНІКА. 16 збожжаўборачных камбайнаў, 17 трактароў, 8 сартавальных пунктаў для бульбы, столькі ж кормараздатчыкаў, дыскатараў, а таксама шмат іншай тэхнікі набылі ў гэтым годзе сельгас-прадпрыемствы раёна.

 

ІНВЕСТЫЦЫІ. Паспяхова ўкараняецца інвестпраект СТАА “БетонБокс”, тэрмін рэалізацыі якога 2010-2014 гады, а сума плануемых інвестыцый складзе 4,5 млн еўра.

 

АДПАЧЫНАК. Цікавыя выхадныя правялі супрацоўнікі рэдакцыі газеты “Слава працы”, якія разам са сваімі дзецьмі атрымали асалоду ад цудоўнага відовішча “Лядовая планета” ў Беларускім дзяржаўным цырку.

 

ВЕЧАРЫНА. У Каменскай СШ адбылася літаратурная вечарына з нагоды адкрыцця экспазіцыі Яна Скрыгана з удзелам членаў Саюза пісьменнікаў Беларусі.

 



Добавить комментарий

Ваш адрес email не будет опубликован. Обязательные поля помечены *