Депутаты райсовета депутатов высадили кустарники на пойме реки Мажа

Актуально Общество

Дэпутаты Капыльскага раённага Савета дэпутатаў напярэдадні рэспубліканскага суботніка наводзілі парадак у новым месцы адпачынку паблізу дзіцячага сада №6.

Мерапрыемства арганізавана ў рамках месячніка па навядзенні парадку на зямлі і добраўпарадкаванні тэрыторый населеных пунктаў, які зараз праходзіць у раёне. Удзельнікі суботніка высаджвалі дэкаратыўныя кустарнікі на схіле ля рэчкі Мажы.

Як адзначыла старшыня раённага Савета дэпутатаў Ірына Кісляк, гэта адно з месц, дзе не закончана добраўпарадкаванне летась — у Год народнага адзінства і прадоўжыцца сёлета — у Год гістарычнай памяці. Запланавана ўстаноўка спецыяльных стэндаў, якія будуць несці інфармацыю пра гісторыю Капыля, яго сённяшні дзень, вядомых людзей. Уся тэрыторыя поймы падзелена на ўчасткі паміж гарадскімі арганізацыямі, якія іх даглядаюць. Праз некаторы час сквер упрыгожаць кветкі. палівалі ліпавую алею.

Дарэчы, гэта не першы такі працоўны дэсант народных выбраннікаў. Па словах дэпутата раённага Савета па Партызанскай выбарчай акрузе № 15, дырэктара ТЦСАН Святланы Маліноўскай, у мінулым годзе тут жа, на пойме, была высаджана ліпавая алея, якая поўнасцю прынялася. Гэта таму, што зроблена ад душы і з любоўю, удакладняе Святлана Станіславаўна.

Акрамя таго, дэпутацкі корпус і мясцовы актыў у рамках месячніка працягваюць добраўпарадкаванне населеных пунктаў: зносяць старыя дамы, агароджы, ліквідуюць звалкі, спілоўваюцца старыя дрэвы і г.д.

Сяргей КОЗЕЛ



Добавить комментарий

Ваш адрес email не будет опубликован. Обязательные поля помечены *