Замест ям - роўная дарога
У вёсцы Печураны правялі грэйдзіраванне і бягучы рамонт дарогі, а таксама высыпалі частку яе свежым пяском. Цяпер уезд у вёску ўпрыгожваюць не вялізныя ямы, а добрае і роўнае пакрыццё. Варта адзначыць, што гэтая праца ў Печуранах яшчэ не скончана, падсыпка будзе праводзіцца і далей.
Паўсотні бярозак
Каля МТК «Пацейкі» высаджана пяцьдзясят бяроз.
На азеляненне новага малочнатаварнага комплексу выйшлі работнікі гаспадаркі, прадстаўнікі сельвыканкама і пярвічак Капыльскай раённай арганізацыі рэспубліканскага ГА «Белая Русь».
Зносяць дамы, ачышчаюць могілкі
У Кудзінавічах пасля зносу старых будынкаў і расчысткі двух пустых участкаў уведзены ў севазварот 0,7 га зямлі.
Пачаты рамонт памятных воінскіх пахаванняў, якія знаходзяцца на грамадзянскіх могілках паблізу населенага пункта. Тут на дзвюх магілах заменяць помнікі.
– Прыводзім у парадак і пахаванні на грамадзянскіх могілках у вёсцы Какорычы. Там таксама з’явіцца новы гранітны помнік, – расказаў старшыня Пацейкаўскага сельвыканкама Сяргей Цвірка. – Хачу адзначыць, што на тэрыторыі сельсавета ёсць дзевяць грамадзянскіх могілак. На кожных з іх мы ачысцілі пляцоўкі для складзіравання смецця і завезлі свежы пясок.
Увага - воінскім пахаванням
Уборку месцаў воінскіх пахаванняў правялі на гра-мадзянскіх могілках паблізу Ржаўкі. Таксама прывялі ў парадак тэрыторыю каля брацкай магілы савецкіх воінаў, якая знаходзіцца пры ўездзе ў населены пункт.
Будзе чыста!
У вёсцы ДУШАВА ўдзялілі ўвагу месцам агульнага карыстання. У цэнтральнай частцы сяла прыбралі смецце і рэшткі пасля спілоўвання аварыйнага дрэва.
Комментарии