С Рождеством Христовым!

Актуально Общество

ДАРАГІЯ ЗЕМЛЯКІ!

Ад усяго сэрца віншую католікаў, хрысціян іншых веравызнанняў і ўсіх людзей добрай волі з нагоды свята Божага Нараджэння. Хрысціянскія каштоўнасці, заснаваныя на ідэях любові да бліжняга, запаведзях дабра, міласэрнасці, справядлівасці, і ў далейшым будуць садзейнічаць умацаванню міру і згоды ў нашым грамадстве. А Раство працягне аб’ядноўваць нас, дапамагаць ствараць дабро і працаваць дзеля росквіту нашай роднай Беларусі.

Жадаю ўсім спакою і радасці, якія б напаўнялі нашы сэрцы і сэрцы нашых блізкіх. Няхай гэты радасны час пройдзе ў цёплай, сямейнай атмасферы, а поспех спадарожнічае ўсім вашым пачынанням, здзяйсняюцца спадзяванні і збываюцца самыя запаветныя мары!

Людміла НІЖЭВІЧ,

старшыня Пастаяннай камісіі па бюджэце і фінансах Палаты прадстаўнікоў Нацыянальнага сходу Рэспублікі Беларусь

 

ПАВАЖАНЫЯ ХРЫСЦІЯНЕ, ЯКІЯ СВЯТКУЮЦЬ БОЖАЕ НАРАДЖЭННЕ 25 СНЕЖНЯ!

На працягу многіх стагоддзяў светлае свята Божага Нараджэння звяртае нас да міласэрнасці, любові і надзеі, да клопату адзін пра аднаго. І асабліва важнае значэнне яно набыло зараз, калі ўсе мы сутыкнуліся з небяспечнай хваробай і чакаем надзейнай духоўнай падтрымкі.

Гэта сямейнае свята, напоўненае цяплом дамашняга ачага і любоўю блізкіх, дабром і спачуваннем, радасцю і надзеяй. Давайце навучымся шанаваць простыя радасці, захоўваць мір і спакой дарагіх нам людзей. Няхай жыватворнае святло Раства азарае нашы дамы, дапамагае адносіцца больш беражліва адзін да аднаго, а мір і згода нязменна пануюць на роднай зямлі. Няхай цудоўны калядны настрой суправаджае вас на працягу ўсяго года!

Раённы выканаўчы камітэт

Раённы Савет дэпутатаў



Добавить комментарий

Ваш адрес email не будет опубликован. Обязательные поля помечены *