Продолжается наведение порядка на территории Бобовнянского сельсовета

2018-2020 - год малой Родины

На тэрыторыі Бабаўнянскага сельсавета работы па навядзенні парадку на зямлі вядуцца ў адпаведнасці з зацверджаным планам мерапрыемстваў па развіцці тэрыторый населеных пунктаў на 2020 год.

З пачатку года, як паведаміла старшыня Бабаўнянскага сельвыканкама Ірына Запольская, расчышчана ад хмызнякоў 60 сотак на грамадзянскіх могілках у в. Бабоўня. На вуліцы Паштовай высечаны парасткі на трох пустуючых участках, у хуткім часе непадалёку будзе захаваны былы кар’ер. Падчас суботнікаў сіламі работнікаў сацыяльнай сферы, сельвыканкама, сельгаспрадпрыемства прыбіралася лісце ў парку каля будынка сельвыканкама, каля шматкватэрных дамоў у Бабоўні. Наводзіўся парадак каля адміністрацыйных будынкаў гаспадаркі і мясцовых школ.

Пачалася расчыстка пустуючых участкаў па вул. Савецкай у Пясочным, у в. Навасёлкі — знос старых агароджаў. Захаваны фундамент па вул. Юбілейнай у Лясным. Вялікую дапамогу сельвыканкаму ў справах аказвае УП «ПІК-Лясное».

Падчас суботнікаў ва ўсіх населеных пунктах праводзіцца збор смецця.

На грамадзянскіх могілках у Пясочным высечана 30 сотак хмызняку. А вось у в. Язвіны да гэтай справы, а таксама ўстаноўкі 100 м агароджы падключыліся грамадзяне, родныя якіх пахаваны на мясцовых могілках.

Як адзначыла Ірына Запольская, у планах застаецца ўстаноўка лавачак, пракладка дарожак у парку ў Лясным, а таксама абустройства там жа дзіцячай пляцоўкі.

Сяргей КОЗЕЛ



Добавить комментарий

Ваш адрес email не будет опубликован. Обязательные поля помечены *