Председатель Копыльского райисполкома Сергей Пилищик провел очередной прием граждан

Важное Общество

На чарговы прыём грамадзян да старшыні Капыльскага райвыканкама Сяргея Пілішчыка паступіла пяць зваротаў грамадзян.

Шэраг жыллёвых пытанняў паднялі жыхары дома № 3 па вул. Замкавай у Капылі. Па іх словах, у кватэрах холадна і сыра, тэмпература не даходзіць нават да сацыяльнага стандарта — 18 градусаў. Для вывучэння гэтага пытання створана камісія, якая выязджала на месца. Сяргеем Пілішчыкам дадзена даручэнне да канца гэтага года распрацаваць праектна-каштарысную дакументацыю на рамонт прыдамавой тэрыторыі з вулічным асвятленнем і ўключыць яе ў план добраўпарадкавання горада на наступны год. На 2021 год ЖКГ неабходна запланаваць уцяпленне тарцовых сцен дома.

У ходзе асабістага прыёму жыхарцы Капыля дадзена тлумачэнне, што пакой у інтэрнаце ёй прадастаўлены толькі на перыяд працы ў адной з арганізацый раёна і пастаянная рэгістрацыя ў інтэрнаце не прадугледжана. Заяўніку рэкамендавана звярнуцца з заявай на прадастаўленне жылога памяшкання камерцыйнага карыстання.

Жыхара аг. Ванелевічы хвалюе стан дарог Леніна-Цімкавічы і Васільчыцы-Перавоз-Саўкова. Дарожнай службай будзе праведзена іх абследаванне, і яны, калі знаходзяцца ў нездавальняючым стане, будуць прагрэйдзіраваны.

Дадатковага вывучэння патрабуюць пытанні наконт продажу закінутага будынка мехдвара ў в. Смалічы і выдзялення зямель для фермерскай гаспадаркі побач з гэтай вёскай і в. Талмачава.

Больш дэталёвага разгляду патрабуе і шэраг пытанняў наконт захавання заканадаўства ў сферы працоўных адносін і аказання паслуг.

Сяргей КОЗЕЛ



Добавить комментарий

Ваш адрес email не будет опубликован. Обязательные поля помечены *