По итогам работы за 3 квартала этого года ООПП Копыльского РОВД занял первое место в области

Актуально Закон. Безопасность

Па выніках работы за тры кварталы гэтага года аддзел аховы правапарадку і прафілактыкі Капыльскага РАУС заняў першае месца ў вобласці.

Пры падвядзенні вынікаў улічваліся крытэрыі: недапушчэнне супрацьпраўных дзеянняў з боку супрацоўнікаў аддзела, кантроль за адміністрацыйнымі ўчасткамі, рэгулярнае наведванне насельніцтва па месцы жыхарства.

Начальнік РАУС Віталь Сіротка, яго намеснікі Уладзімір Рудакоўскі і Віталь Кажура (у цэнтры) з супрацоўнікамі аддзела аховы правапарадку і прафілактыкі

Большасць супрацоўнікаў аддзела ўдастоены ўзнагарод рознага ўзроўню. Самая высокая — Падзяка Міністэрства ўнутраных спраў — аб’яўлена ўчастковаму інспектару міліцыі Мікалаю Панічу. Ганаровай граматы ўпраўлення ўнутраных спраў аблвыканкама ўдастоены начальнік аддзела аховы правапарадку і прафілактыкі РАУС Анатоль Траян, граматы УУС — намеснік начальніка ААПП Юрый Сапешка, Падзяк УУС — старшыя ўчастковыя інспектары Дзмітрый Карнейчык і Дзмітрый Кукушкін, нагруднага знака УУС — участковы інспектар Сяргей Лазоўскі. Падзякі Капыльскага райвыканкама атрымалі ўчастковыя інспектары Уладзіслаў Харужы, Міхаіл Млынарчык, Эдуард Шашкін. Шэраг Падзяк супрацоўнікам аддзела ўручаны за супрацоўніцтва з сілавымі структурамі: раённым аддзяленнем дэпартамента аховы, раённым аддзелам па надзвычайных сітуацыях, адасобленай групай ваеннага камісарыята Нясвіжскага і Капыльскага раёнаў.

Уручэнне ўзнагарод начальнікам Капыльскага РАУС Віталем Сіроткам на агульным зборы аддзела стала добрым падарункам да Дня ўчастковага інспектара міліцыі, які адзначаўся 17 лістапада.

— Вядома, што ўчастковыя інспектары міліцыі найбольш цесна працуюць з жыхарамі вёсак і раённага цэнтра, і менавіта ад іх у першую чаргу чакае дапамогі ў праблемных сітуацыях насельніцтва, — адзначыў Віталь Іванавіч. — Служба ўчастковых сёння займае вядучае месца ў сістэме прафілактыкі правапарушэнняў.

Іх служба ў галіне шматгранная, падчас працы даводзіцца сутыкацца з рознымі відамі правапарушэнняў і злачынстваў. Працуючы на адміністрацыйным участку, участковы — першы, да каго звяртаюцца грамадзяне. І яго асноўная задача — забяспечваць асабістую і маёмасную бяспеку людзей, а таксама папярэдзіць і выявіць парушэнні закону. Ад эфектыўнасці іх дзейнасці залежыць паспяховая праца органаў унутраных спраў па барацьбе са злачыннасцю.

— Калектыў у нашым аддзеле адзін з самых вялікіх і зла-джаных, — адзначыў начальнік ААПП Анатоль Траян. — Напрыклад, усе ўчастковыя інспектары працуюць сумесна і дапамагаюць адзін аднаму, паколькі ў штаце не хапае аднаго інспектара, то практыкуем кадравае замяшчэнне. Усе з адказнасцю адносяцца да даручанай справы, ніхто не лічыцца з уласным часам. Будзем старацца не здаць занятыя пазіцыі, а дасягнуць яшчэ лепшых вынікаў.

Сяргей КОЗЕЛ



Добавить комментарий

Ваш e-mail не будет опубликован. Обязательные поля помечены *