К 85-летию белорусского графика Геннадия Голубовича

Актуально Культура

Генадзь Міхайлавіч ГАЛУБОВІЧ — беларускі графік, заслужаны работнік культуры БССР.

Нарадзіўся 19 верасня 1934 года ў в. Вялешына 1 Капыльскага раёна. Пасля заканчэння Маскоўскага паліграфічнага інстытута працаваў рэдактарам галоўнага выдавецтва Камітэта па друку пры Савеце Міністраў БССР. З 1972 года па 1990-ты — загадчык рэдакцыі выяўленчай прадукцыі і галоўны мастак выдавецтва «Беларусь», а затым і вядучы рэдактар гэтага выдавецтва.

Аформіў кнігі «Лічбы на сэрцы» М. Савіцкага, «Дэкаратыўна-прыкладное мастацтва Беларусі XII–XVIII стст.», «Пластыка Беларусі XII–XVIII стст.», «Я. Колас у творчасці мастакоў», «Я. Купала ў творчасці мастакоў» і інш.

Памёр 24 красавіка 1992 года і пахаваны на радзіме. У в. Вялешына 1 у музеі этнаграфіі і побыту канца ХІХ – пачатку ХХ стагоддзя ёсць шмат экспанатаў, якія расказваюць пра жыццёвы шлях мастака кнігі.

У музеі этнаграфіі і быту вёскі Вялешына 1 прайшло мерапрыемства, прысвечанае 85-годдзю з дня нараджэння земляка, мастака, былога галоўнага рэдактара выдавецтва «Беларусь» Г.М. Галубовіча.

■ Падчас экскурсіі

Старшы навуковы супрацоўнік Капыльскага раённага краязнаўчага музея Таццяна Варанцова правяла музейны ўрок «Пачатковая школа», у час якога навучэнцы пачатковых класаў Слабадакучынскай СШ не толькі азнаёміліся з сістэмай адукацыі канца ХІХ – пачатку ХХ ст., але і сталі ўдзельнікамі ўрока: чыталі і выконвалі заданні з падручнікаў пачатку мінулага стагоддзя, адказвалі на пытанні. А папярэднічала гэтаму змястоўная і цікавая экскурсія, падчас якой дзеці адчувалі цудоўнае хваляванне ад убачанага, а прысеўшы за вучнёўскую парту, перанесліся на стагоддзе назад.

Затым школьнікі разам з загадчыкам Слабада-кучынскай бібліятэкі-клуба Валянцінай Барташэвіч на мясцовых могілках усклалі кветкі да магілы Гена-дзя Галубовіча. Валянціна Зянонаўна расказала аб асноўных дасягненнях знакамітага земляка, які з’яўляецца выпускніком Слабада-Кучынскай сямігодкі 1950 года.

Экскурсія і заняткі ў музеі сталі адным са спосабаў далучэння юных грамадзян да культурнай спадчыны папярэдніх пакаленняў роднага краю.

Барыс ДЗЕНІСЮК,

член ГА «Беларускі саюз журналістаў»



Добавить комментарий

Ваш адрес email не будет опубликован. Обязательные поля помечены *