Пикеты в поддержку претендентов на депутатский мандат проходят на Копыльщине с 8 сентября

Выборы - 2019

Нагадаем, што зараз ідзе актыўная фаза выбарчай кампаніі — вылучэнне кандыдатаў у ніжнюю палату парламента. Збіраць подпісы за сваіх вылучэнцаў ініцыятыўным групам можна ў тым ліку на вулічных пікетах у дазволеных месцах. Усяго неабходна заручыцца падтрымкай не менш за тысячу чалавек, калі вылучэнне адбываецца не ад партыі ці працоўнага калектыву.

■ Ірына Рай збірае подпісы ў скверы ля р. Каменкі

Адзін з пікетаў быў арганізаваны ў цэнтры горада ў скверы для адпачынку каля рэчкі Каменкі. Члены ініцыятыўнай групы, а таксама прадстаўнікі маладзёжнай арганізацыі праводзілі збор подпісаў за свайго вылучэнца, тлумачылі правілы правядзення выбарчай кампаніі.

— На дадзеным этапе выбарчай кампаніі мы можам паведамляць толькі біяграфічныя звесткі аб патэнцыяльным кандыдаце і нічога, што тычыцца яго перадвыбарнай праграмы, — расказала член ініцыятыўнай групы, супрацоўніца Капыльскага ТЦСАН Ірына Рай. — Жадаючым пакінуць подпіс неабходна прад’явіць пашпарт. Таксама важны нюанс: пакінуць свой подпіс могуць грамадзяне, зарэгістраваныя па месцы пражывання на тэрыторыі дадзенай выбарчай акругi. Выбары — гэта важная грамадска-палітычная падзея ў жыцці краіны. Абавязак кожнага свядомага грамадзяніна — не заставацца ўбаку і ў дзень выбараў аддаць свой голас за кандыдата, які выклікае найбольшы давер.

Сяргей КОЗЕЛ



Добавить комментарий

Ваш e-mail не будет опубликован. Обязательные поля помечены *