Мультиборд в подарок: в преддверии новогодних праздников школа в агрогородке Старица Копыльского района встречала почетных гостей

Актуально Образование Праздник

Згадзіцеся, добрыя госці з пустымі рукамі не прыходзяць. Вось і першы намеснік старшыні Мінаблвыканкама Ігар Макар разам са старшынёй Капыльскага райвыканкама Анатолем Ліневічам і яго намеснікам Аляксандрам Ліпніцкім завітаў у Старыцкую сярэднюю школу з цудоўнымі падарункамі.

■ Фота на памяць
■ Фота на памяць

Напярэдадні навагодніх свят вучні і педагогі школы атрымалі ад Мінаблвыканкама сучасную інтэрактыўную панэль (мультыборд), якая дазваляе хутчэй атрымаць неабходную інфармацыю.

— Дарагія дзеці, настаўнікі і бацькі! — звярнуўся з прывітальным словам Ігар Макар. — Віншую вас з надыходзячымі святамі! І, упэўнены, добрым падарункам для вас стане вось такая сучасная тэхніка. Тым больш што прасілі  набыць менавіта мультыборд для школы падчас сустрэчы з працоўным калектывам, якая праходзіла ў Старыцы ў лістападзе.    

■ Ігар Макар уручае дырэктару Старыцкай СШ Міхаілу Спадарцу дакументы для мультыборда
■ Ігар Макар уручае дырэктару Старыцкай СШ Міхаілу Спадарцу дакументы для мультыборда

Ад імя райвыканкама Анатоль Ліневіч павіншаваў вучнёўскі і настаўніцкі калектывы і падарыў не менш неабходную тэхніку, якая дапаможа захаваць здароўе дзетак, — машынку для перапрацоўкі агародніны. Дырэктар ААТ «Старыца-Агра» Уладзімір Рудакоўскі падкрэсліў, што прадпрыемства і школа заўсёды знаходзяць узаемаразуменне і пастаянна супрацоўнічаюць.

Прыемным момантам, калі дарослыя госці змаглі ўспомніць дзяцінства, стаў сумесны карагод каля навагодняй ёлачкі.

Дзіяна ТКАЧЭНКА



Добавить комментарий

Ваш e-mail не будет опубликован. Обязательные поля помечены *