Святой Рох — покровитель копыльской земли

Духоўнасць

16 жніўня каталіцкая царква адзначае памяць Святога Роха. У шматлікіх мясцовасцях па ўсім свеце ў гэты дзень будуць ладзіцца маляўнічыя працэсіі. Адбудзецца яна і на Капыльшчыне.

Św._ROCH.

Святы Рох лічыцца заступнікам хворых на чуму і халеру, пакутуючых на хваробы ног і скуры; пілігрымаў, хірургаў, а таксама сабак і хатняй скаціны. Святы Рох — апякун французскага Манпелье (у яго гонар названы гарадскі сабор, вуліца, сквер і чыгуначны вакзал) і некалькіх італьянскіх гарадоў.

У гонар Святога Роха на гарадскіх капыльскіх могілках з даўніх часоў стаяла капліца. Аднак яе разбурылі. І сіламі вернікаў капліца была ўзведзена нанава. Кожны год 16 жніўня каталікі шматліка збіраюцца каля капліцы Святога Роха, каб праз яго заступніцтва выпрошваць у Бога тое, аб чым продкі нашы на працягу вякоў такім жа чынам у Бога прасілі і што атрымлівалі.

Парадак службаў

16 жніўня. Урачыстасць Святога Роха — св. Імша каля капліцы Св. Роха на гарадскіх могілках а 11.00.

Аляксандр ТАРАСЕВІЧ,

пробашч (настаяцель) парафіі Святых Пятра і Паўла



Добавить комментарий

Ваш адрес email не будет опубликован. Обязательные поля помечены *