Депутат парламента Людмила Нижевич провела прием граждан в ГУО «Грозовский УПК детский сад – средняя школа»

Актуально Галоўныя падзеі

Дэпутат Палаты прадстаўнікоў Нацыянальнага сходу Рэспублікі Беларусь Людміла Ніжэвіч правяла прыём грамадзян у ДУА «Грозаўскі ВПК дзіцячы сад – сярэдняя школа».

1417510654_1385641702_2013-08-22-priem_2

З чатырох зваротаў, якія паступілі да народнага выбранніка, два датычыліся стану дарог. Жыхара аграгарадка Грозава турбавала дарожнае пакрыццё каля дома, дзе ён жыве. Там, па словах мужчыны, утварылася яма, і вялікагрузны транспарт, які трапляе ў яе, стварае шмат шуму. Жыхару аграгарадка растлумачылі, што ўжо ў гэтым годзе запланаваны рамонт дарогі і на гэтай вуліцы з’явіцца новы асфальт.

Стан гравійкі ў в. Слабодка Грозаўскага сельсавета турбаваў жанчыну, якая жыве ў гэтым населеным пункце. Дэпутат узяла пытанне на кантроль, запэўніўшы, што ў вёсцы дарожная служба выканае грэйдзіраванне і падсыпку дарогі.

Работнікі таварыства з абмежаванай адказнасцю зноў паднялі праблему выплаты заработнай платы, якую прадпрыемства не выплачвае на працягу некалькіх месяцаў. Людміла Ніжэвіч патлумачыла, што крокі ў гэтым кірунку ўжо зроблены. Днямі адбудзецца сход з удзелам работнікаў прадпрыемства, дзе ім падрабязна раскажуць пра бліжэйшую перспектыву ў вырашэнні гэтага пытання.

Па дапамогу да дэпутата звярнулася жыхарка аграгарадка Мажа. Жанчына патлумачыла, што ў вясновы перыяд талая вада падтапляе гаспадарчыя пабудовы, ствараючы праблему для вядзення хатняй гаспадаркі. Людміла Ніжэвіч узяла пытанне на кантроль.

Сяргей ЛАЗОЎСКІ



Добавить комментарий

Ваш адрес email не будет опубликован. Обязательные поля помечены *