25 снежня — Нараджэнне Хрыстова

Духоўнасць

«І сказаў ім анёл: Не бойцеся, я абвяшчаю вам вялікую радасць, якая будзе для ўсяго народу, бо нарадзіўся вам сёння ў горадзе Давіда Збаўца, Якім ёсць Хрыстус Госпад. І вось вам знак: знойдзеце Немаўля спавітае і пакладзенае ў яслях».                                                                       

Евангелле паводле Лукі 2, 9-12.

Дарагія браты і сёстры!

Сардэчна віншую вас з радасным і збаўчым святам Нараджэння Хрыстова! Святам любові, жыцця, святла і надзеі!

119105167_325e7dea4e0c

Гэтае свята няхай стане часам разважання над таямніцай уцелаўлення Бога, як таямніцай Яго бязмежнай любові да чалавека, таямніцай Божага дару жыцця, які мы павінны сцерагчы як зрэнку вока, і таямніцай Божага святла, якое прасвятляе цемру граху, каб адарыць нас новай надзеяй.

Жадаю вам, каб Езус сваёй ласкай штодзённа нараджаўся ў вашых сэрцах! Няхай Каляды і наступаючы Новы 2018 год будуць напоўненыя духоўнай радасцю і Хрыстовым супакоем! Няхай усе людзі берагуць Божы дар жыцця, умацоўваюць узаемную любоў, не гасяць святла Бэтлеемскай зоркі, каб быць шчаслівымі і плённымі ў дзейнасці. Няхай у нашых зямных патрэбах нас благаславіць Бог, каб беднасць і празмернасць клопатаў пра падставовыя рэчы не знішчалі і не псавалі нас.

Як знак духоўнага адзінства дзялюся з вамі традыцыйнай аплаткай і свае пажаданні ўмацоўваю малітвамі ў гэтыя святочныя дні.

Святар Аляксандр ТАРАСЕВІЧ,

пробашч парафіі Святых Пятра і Паўла

 

Парадак службаў на свята Божага нараджэння

24 снежня, нядзеля — 22.00, Святая Імша «Пастушковая»;

25 снежня, панядзелак — 11.00, Святая Імша.



Добавить комментарий

Ваш адрес email не будет опубликован. Обязательные поля помечены *