17 студзеня на тэрміновую ваенную службу адправілася першая група капыльскіх юнакоў

Актуально

 Сем высакарослых капыльскіх юнакоў сталі ваеннаслужачымі элітных войскаў спецыяльнага назначэння. Яны, як і сотні маладых людзей краіны, увайшлі ў першую групу, якая адправілася на тэрміновую ваенную службу 17 студзеня. 

Павестка ў паштовай скрыні прымусіла хлопцаў напярэдадні зазірнуць да цырульніка. А ўжо на наступны дзень каля шасці гадзін раніцы шматлікія сваякі развітваліся з хлопцамі ля раённага ваеннага камісарыята. Праз некалькі хвілін аўтобус з капылянамі імчаў на абласны зборны пункт для адпраўкі ў вайсковую часць Узброеных Сіл Рэспублікі Беларусь, якая знаходзіцца ў г. Мар’іна Горка.

На падставе Закона Рэспублікі Беларусь “Аб воінскім абавязку і воінскай службе”, Указа Прэзідэнта Рэспублікі Беларусь №529 ад 12 кастрычніка 2010 года, для арганізаванага правядзення прызыву грамадзян на тэрміновую ваенную службу ў воінскія часці райвыканкамам было падпісана рашэнне №1367 ад 21 кастрычніка 2010 г. “Аб чарговым прызыве грамадзян на тэрміновую ваенную службу”. З кастрычніка мінулага года быў арганізаваны прызыўны пункт і створана прызыўная камісія, якая працавала па студзень 2011 года. Годнымі да тэрміновай ваеннай службы ў раёне прызнаны 33 чалавекі. Адпраўка ў войскі новага папаўнення будзе ажыццяўляцца да 29 студзеня бягучага года. А ўжо ў лютым у руках навабранцаў з’явяцца чырвоныя папкі са словамі ваеннай прысягі.

Сяргей ЛАЗОЎСКІ

НА ЗДЫМКУ: ваенны камісар Капыльскага раёна Сяргей Барташэвіч, начальнік групы прызыву Сяргей Ярмолік (у цэнтры) з навабранцамі (злева направа) Іванам Сіцкім, Андрэем Данілавым, Максімам Муха, Дзмітрыем Барысевічам, Аляксандрам Сінькевічам, Алегам Новікам і Сяргеем Змачынскім перад адпраўкай на абласны зборны пункт.

Фота аўтара



1 комментарий по теме “17 студзеня на тэрміновую ваенную службу адправілася першая група капыльскіх юнакоў

  1. Здравствуйте! Не могли бы вы переслать это письмо в Копыльский РВК . Дело в том что я разыскиваю информацию о моих предках, а именно моем прапрадеде Людвиковском Иване Данииловиче (приб 1868 — 22 декабря 1933) и его сыне, моем прадеде Людвиковском Федоре Ивановиче (1896 — приб 1947). Они родились в деревне Углы, Минская область, Копыльский район (раньше это был Слуцкий уезд, Минской губернии). Мне интересна вся информация о них, то есть кем и когда призваны, звание, когда и отчего погибли, место службы, каким военкоматом призваны.
    С уважением, Ольга

Добавить комментарий

Ваш адрес email не будет опубликован. Обязательные поля помечены *