Новости Копыльщины

Новости

135

Аб налічанай зарплаце

Як паведамілі ў Галоўным статыстычным упраўленні Мінскай вобласці, намінальная налічаная сярэднямесячная заработная плата работнікаў Капыльскага раёна ў І паўгоддзі 2016 года склала 5087,8 тыс. недэнамінаваных рублёў, у тым ліку ў чэрвені — 5772,6 тыс.

Вышэй за сярэднераённы ўзровень аплаты працы склалася заработная плата работнікаў фінансавай і страхавой дзейнасці (8938,3 тыс. рублёў), інфармацыі і сувязі (8268,2 тыс.), занятых забеспячэннем электраэнергіяй, газам, парай, гарачай вадой і кандыцыяніраваным паветрам (6536,9 тыс.).

 

Майстэрства лесарубаў

Каманда Капыльскага вопытнага лясгаса стала пятай у абласных спаборніцтвах вальшчыкаў лесу «Лесаруб-2016», якія праходзілі на базе Слуцкага лясгаса.

Капыляне ўвайшлі ў лік прызёраў у асабістых спаборніцтвах: аператар харвестара Андрэй Арэхва і аператар фарвардэра Андрэй Барысевіч  занялі другое месца ў сваіх намінацыях.

 

Замкавая абнаўляецца

Для добраўпарадкавання Замкавай гары арганізаваны суботнікі з удзелам работнікаў сацыяльнай сферы.

IMG_5277

Напрыклад, прадстаўнікі аддзела ідэалагічнай работы, культуры і па справах моладзі райвыканкама, раённай цэнтральнай бібліятэкі, фізкультурна-аздараўленчага комплексу разам з работнікамі Капыльскай ЖКГ спілоўвалі і вывозілі дрэвы, якія выраслі на схілах Замкавай гары. Работы па добраўпарадкаванні працягваюцца.

 

Дзеля бяспечнай працы      

Дзень аховы працы прайшоў у Капыльскім вопытным лясгасе.

Такія мерапрыемствы праходзяць згодна з графікам восем разоў на год, чатыры разы на год арганізуюцца Тыдні аховы працы. Іх галоўная мэта — кантроль за выкананнем заканадаўства па ахове працы, забеспячэнне здаровых і бяспечных умоў працы, павышэнне эфектыўнасці работы па прафілактыцы траўматызму і захворвання працаўнікоў галіны, аператыўная ліквідацыя парушэнняў і недахопаў па ахове працы.

 

«Цвярозы вадзіцель»

Такую назву насіла прафілактычная акцыя, якая прайшла на Капыльшчыне.

Рэйдавыя групы з ліку супрацоўнікаў ДАІ і іншых службаў міліцыі грамадскай бяспекі правяралі месцы ля аб’ектаў гандлю спіртнымі напоямі, масавага адпачынку, а таксама патэнцыяльна небяспечныя ўчасткі дарог.

 

Велапаход праз Капыль

На Капыльшчыне пабывалі ўдзельнікі велапрабегу «Прага замкаў-4» з горада Мазыра.

IMG_4172

Навучэнцы ДУА «Мазырскі цэнтр турызму і краязнаўства дзяцей і моладзі» пад кіраўніцтвам свайго педагога сем дзён правялі ў шляху, здзяйсняючы падарожжа па гістарычных мясцінах рэспублікі, у тым ліку і Капыльшчыны. Пазнаёміўшыся з Капылём, удзельнікі веласіпеднага паходу сустрэліся з актывам РК ГА «БРСМ».

Марыя ШЭІНА, Маргарыта САКОВІЧ, Павел ШЭІН



Добавить комментарий

Ваш адрес email не будет опубликован. Обязательные поля помечены *