Падведзены вынікі раённага агляду

Экономика

 

Райвыканкам падвёў вынікі раённага агляду па добраўпарадкаванні машынных двароў і гатоўнасці рамонтна-абслуговай базы сельгаспрадпрыемстваў да работы ў зімовых умовах па падрыхтоўцы машынна-трактарнага парку да вясенне-палявых работ.

На чарговым пасяджэнні была заслухана інфармацыя намесніка старшыні раённай аглядавай камісіі В. М. Прахарэні і іншых членаў аб выніках праверак. Адзначана, што ў раёне праведзена пэўная работа па добраўпарадкаванні, навядзенні тэхналагічнай дысцыпліны і парадку на машынных дварах, арганізацыі рамонту сельскагаспадарчай тэхнікі. Напрыклад, у ЗАТ “Жыліхава” ўся тэхніка захоўваецца ў закрытых памяшканнях, а ўборачная, пасяўная і глебаапрацоўчая – пад павецямі на пляцоўках з цвёрдым пакрыццём. Праведзены рамонт Дома механізатара, абсталяваны вучэбны клас і кабінет па ахове працы. Тэрыторыя МТП заасфальтавана і агароджана. Працуе пункт тэхнічнага абслугоўвання, актыўна вядзецца рамонт.

Адзначана, што і ў ВСК “Семежава” ў гэтым годзе праведзена пэўная работа па добраўпарадкаванні МТП. Выдзелены і абазначаны сектары для стаянкі трактароў і аўтамабіляў. Уся складаная тэхніка захоўваецца ў закрытых памяшканнях, глебаапрацоўчая – пад павецямі. Абсталяваны пункты (абменны і ТА), вядзецца рамонт тэхнікі.

Шмат зроблена па дадзеным пытанні і ў ААТ “Капыльскае”. У Доме механізатара праведзены рамонт, выдзелены сектары для трактароў, пляцоўкі для захоўвання тэхнікі. Тое ж можна аднесці і да СВК “Скабін”, “Ціміразеўскі”, “Ванелевічы”, “Пацейкі”, ААТ “Старыца-Агра”. Адзначана нездавальняючая работа кіраўніцтва і інжынернай службы па падрыхтоўцы да правядзення агляду ў СВК “Праснакі”, “Душава”, РСУП “Бабоўня”.

Рашэннем райвыканкама пераможцам раённага агляду-конкурсу стала ЗАТ “Жыліхава”, другое месца – у ВСК “Семежава”, трэцяе – ААТ “Капыльскае”. Фінансаваму аддзелу райвыканкама для прэміравання інжынерна-тэхнічных работнікаў гаспадарак-пераможцаў даручана выдзеліць за лік рэзервовага фонду грашовыя сродкі ў памеры, адпаведна, 30, 20, 15 базавых велічынь.

Адзначана дадатная работа па падрыхтоўцы і правядзенні агляду ў СВК “Скабін”, “Ціміразеўскі”, “Ванелевічы”, “Пацейкі”, ААТ “Старыца-Агра” і рэкамендавана праўленням і дырэкцыі вышэйпералічаных гаспадарак прэміраваць кіраўнікоў і інжынерна-тэхнічных работнікаў з уласнага фонду матэрыяльнага заахвочвання.

Марыя ШЭІНА



Добавить комментарий

Ваш адрес email не будет опубликован. Обязательные поля помечены *