На заключительном аккорде уборочной кампании

Актуально Экономика

Па стане на 14 жніўня было скошана і абмалочана 99% плошчаў. Аб выкананні задання праінфармавалі 15 гаспадарак з 20. Намалочана 148 137 тон збажыны, сярэдняя ўраджайнасць складае 40 цэнтнераў з гектара.

У раёне 76 камбайнавых экіпажаў намалацілі звыш тысячы тон збажыны, 70 вадзіцеляў таксама перавысілі тысячны рубеж.

У апошні дзень жніва ў ААТ «Прагрэс 2010» адбылося ўшанаванне перадавікоў, якія намалацілі або перавезлі тысячу і больш тон збажыны.

Павіншаваць лідараў з працоўнай перамогай прыехалі старшыня райкама прафсаюза работнікаў АПК Ірына Сцяпура, старшыня прафкама сельгаспрадпрыемства Ала Тароцька, намеснік дырэктара па ідэалагічнай рабоце Галіна Кандраценка, галоўны аграном Мікалай Краўчанка, а музычныя падарункі дарыла госця з Грозаўскага СДК Яўгенія Леус.

Ірына Сцяпура віншуе камбайнера Аляксандра Паўлюшчыка
Ірына Сцяпура віншуе камбайнера Аляксандра Паўлюшчыка

Віноўнікамі ўрачыстасці сталі тры экіпажы: маладзёжны ў складзе Аляксандра Паўлюшчыка і Віталя Жука, а таксама экіпажы Дзмітрыя Лавачнікава і Дзмітрыя Дудко, Віталя і Рыгора Каляды, сярод вадзіцеляў — Леанід Івашка. Былі адзначаны і браты Віталь і Аляксандр Паграбіцкія з СГФ «Руднае», якія прыйшлі на дапамогу пацейкаўскім хлебаробам і ўжо таксама пераадолелі тысячны рубеж па намалоце.

Перадавікі атрымалі каштоўныя падарункі, у іх гонар гучалі цёплыя словы ўдзячнасці, а над хлебнай нівай разносіліся вясёлыя песні.

Сяргей КОЗЕЛ

Фота аўтара



Добавить комментарий

Ваш e-mail не будет опубликован. Обязательные поля помечены *