Депутат вела прием

Актуально

Старшыня пастаяннай камісіі Палаты прадстаўнікоў Нацыянальнага сходу Рэспублікі Беларусь Ганна Лаўрукевіч на мінулым тыдні правяла ў Капылі асабісты прыём грамадзян.

Да дэпутата звярнуліся шэсць чалавек. Як падкрэсліла Ганна Мікалаеўна, у першую чаргу былі зададзены звычайныя жыццёвыя пытанні. Так, яны датычыліся прыняцця законаў парламентам, абмену чэкаў “Маёмасць” на чэкі “Жыллё” і г. д. Жыхары в. Доўгае Ігар Панцюхоў і Аркадзь Кузьмін звярнуліся наконт спілоўвання аварыйна-небяспечнага дрэва і добраўпарадкавання вясковай вуліцы. Пытанне накіравана на разгляд у Цімкавіцкі сельвыканкам. Ад імя жыхароў в. Камсамольская просьбу аб аднаўленні работы комплексна-прыёмнага пункта выказала Галіна Давыдоўская. Як высветлілася, КПП быў зачынены з-за адсутнасці яго загадчыка і ў сувязі з адкрыццём пункта бытавога абслугоўвання ў аграгарадку Камень (па мінімальных сацыяльных стандартах у зоне абслугоўвання аднаго КПП павінна пражываць не менш за 1500 чалавек). Па словах дырэктара ААТ “Капыльскі РКБА” Тамары Сакаловай, у хуткім часе да паслуг жыхароў в. Камсамольская будзе дадаткова прапанавана выязное абслугоўванне КБА. Час прыезду будзе паведамляцца праз спецыяльныя аб’явы.



Добавить комментарий

Ваш адрес email не будет опубликован. Обязательные поля помечены *