Памолімся за памерлых

Духоўнасць Свет лампады

Штогод вернікі Каталіцкага Касцёла 1 лістапада святкуюць урачыстасць Усіх Святых, а 2 лістапада ўспамінаюць і моляцца за сваіх памерлых продкаў, родных, сваякоў і знаёмых. Згодна з традыцыяй, у гэты дзень прынята наведваць могілкі і асаблівым чынам маліцца за памерлых.

1 лістапада Каталіцкі Касцёл адзначае ўрачыстасць Усіх Святых. У гэты дзень вернікі дзякуюць Богу за дар святасці і ў адной літургічнай цэлебрацыі аддаюць пашану ўсім святым — як вядомым, так і невядомым, — якія дасягнулі вечнай хвалы і прабываюць з Богам у небе. Як вядома, Касцёл — гэта жывая супольнасць вернікаў, хрысціян, якія жывуць на зямлі і тых, хто ўжо скончыў шлях зямнога пілігрымавання і знаходзіцца прад абліччам Божым. На працягу года штодня мы ўшаноўваем людзей, святасць якіх была публічна вядомай і прызнанай Касцёлам, аднак сярод нас жылі і жывуць звычайныя людзі, пра святасць жыцця якіх вядома толькі Богу. Менавіта таму Урачыстасць Усіх Святых з’яўляецца сведчаннем еднасці Хрыстовага Касцёла, ушанаваннем і заклікам да жыцця з Богам і ў Богу.

2 лістапада прысвечана ўспаміну ўсіх памерлых вернікаў. Калісьці, як ва ўсходняй, так і ў заходняй традыцыі Хрыстовага Касцёла ўспамін усіх памерлых адзначаўся адразу пасля святкавання Пасхі. Аднак з цягам часу з развіццём багаслоўя на Захадзе ўспамін памерлых пачалі адзначаць напрыканцы года (календарнага і літургічнага), калі ўсё наваколле нібыта замірае… Гэтую традыцыю ўспаміну ўсіх памерлых вернікаў увёў абат бенедыктынаў у Клюні святы Адылон у 998 годзе. Вельмі хутка гэты звычай быў прыняты ва ўсім Касцёле.

На працягу актавы Успаміну ўсіх памерлых вернікаў, гэта значыць з 1 па 8 лістапада, Касцёл асаблівым чынам моліцца за памерлых. Таму ўсе каталікі павінны паклапаціцца пра тое, каб перад святамі прыбраць магілы сваіх родных і блізкіх, а таксама занядбаныя магілы паблізу. Згодна з хрысціянскай традыцыяй, недапушчальна прыносіць і спажываць на могілках ежу і спіртныя напоі, а таксама класці іх на магілы. Годным успамінам пра памерлых з’яўляецца запаленая на магіле свечка (або зніч) і кветкі, але перш за ўсё — малітва за супакой душы.

Сардэчна запрашаю на супольную малітву:

1 лістапада Св. Імша ў 9.00 і 18.00, нешпары за памерлых — у 18.45.

2-8 лістапада Св. Імша — у 9.00, нешпары за памерлых — у 18.00.

Таксама звяртаюся да ўсіх лю- дзей добрай волі аказаць фінансавую дапамогу для падвядзення і падключэння газу да будынку касцёла для ацяплення.

Наведванне могIлак святаром:

2 лістапада

10.00 — Капыль, экзэквій за памерлых

12.00 — Чарнагубава

13.00 — Цімкавічы (старыя могілкі)

13.45 — Цімкавічы (новыя могілкі)

14.30 — Варонаўшчына

15.15 — Савічы

16.00 — Сцяпуры (Прусы)

16.45 — Капыль  (новыя могілкі ў напрамку в. Якубавічы)

18.00 — Нешпары за памерлых у касцёле.

3 лістапада

10.00 — Ржаўка

10.30 — Бабоўня,  экзэквій за памерлых

12.00 — Язвіны

12.45 — Руднікі

13.30 — Клецішча

14.30 — Нізкавічы

15.00 — Стары Капыль

16.00 — Кацельнікі

18.00 — Нешпары за памерлых у касцёле.

4 лістапада

10.00 — Аножкі

11.00 — Дусаеўшчына

12.00 — Андросаўшчына

12.30 — Вялешына

15.00 — Чырвоны Партызан

15 .30 — Калодзезнае

16.00 — Вялікая Раёўка

16.45 — Малая Раёўка

18.00 — Нешпары за памерлых у касцёле.

5 лістапада

12.00 — Карзуны

13.00 — Бор

14.00 — Харытонаўка

15.00 — Астрэйкі

16.00 — Думічы

18.00 — Нешпары за памерлых у касцёле.

6 лістапада

12.00 — Русакі

12.30 — Старыца

13.15 — Камсамольская

14.00 — Камень

18.00 — Нешпары за памерлых у касцёле.

7 лістапада

10.00 — Кель

10.30 — Скабін

11.30 — Астравок

12.30 — Грозава

13.30 — Доктаравічы

14.30 — Ванелевічы

18.00 — Нешпары за памерлых у касцёле.

Таксама ёсць магчымасць за- прасіць святара на іншыя могілкі.

Ксёндз Аляксандр ВІТКО

 



Добавить комментарий

Ваш адрес email не будет опубликован. Обязательные поля помечены *