Поспехаў ва ўсіх справах

Актуально

У гэты веснавы, светлы і добры дзень прыміце самыя сардэчныя віншаванні з цудоўным святам Днём жанчын!

Ва ўсе часы гарантам здароўя грамадства была і ёсць жанчына. Яе са старажытнасці лічылі захавальніцай дамашняга ачага. Самыя важныя складальнікі жыццёвага шляху кожнай жанчыны — стварэнне сям’і, нараджэнне і выхаванне дзяцей. Менавіта жанчыне належыць ганаровая роля прадаўжальніцы роду чалавечага.

У Капыльскім раёне есць тысячы прыкладаў дружных, зладжаных сем’яў, дзе паважаюць старэйшых, дзе беражліва захоўваюцца добрыя сямейныя традыцыі, дзе адказна ставяцца да выхавання дзяцей. За ўсім гэтым стаяць нястомны энтузіязм, спагадлівая душа, добрае сэрца і адданасць сваёй справе нашых жанчын.

Няма такога напрамку дзейнасці, дзе б нараўне з мужчынамі не працавалі жанчыны. Ваша самаадданая праца служыць узорам выканання прафесійных і грамадскіх абавязкаў. Дазвольце выказаць вам глыбокую ўдзячнасць за ўсё тое добрае, што вы робіце для сям’і, раёна і краіны.

Ад усё душы жадаем вам вялікага шчасця і светлага кахання, сямейнага дабрабыту і моцнага здароўя, поспехаў ва ўсіх справах.

Раённы выканаўчы камітэт

Раённы Савет дэпутатаў



Добавить комментарий

Ваш адрес email не будет опубликован. Обязательные поля помечены *